الطلب بالكلام العادي
العميل يكتب زي ما بيتكلّم، حتى لو فيه غلط في الكتابة أو فرانكو. عدنان يطلّع الأصناف من منيوك، والكود يتأكّد إن كل صنف موجود فعلًا.
الفويس نوت
العميل يبعت فويس، وعدنان يسمعه ويتعامل معاه زي الكتابة بالظبط: يضيف ويأكّد ويلغي. ولو الفويس مش واضح، يطلب يعيده أو يكتبه. (بتتفتح لمطعمك)
فهم الصور
عدنان يفهم صورة العرض أو الصنف أو الإيصال. وصورة مشكلة في الأكل بتتسجّل شكوى. والصورة لوحدها مش طلب. (بتتفتح لمطعمك)
الأصناف كروت بالصور
بدل القايمة المكتوبة: كروت فيها صورة الصنف واسمه وسعره ووصفه، والعميل يسحب بينها. والصنف اللي ملوش صورة بياخد لوجو مطعمك.
⭐ الأكثر طلبًا
علامة على الأصناف اللي بتتطلب فعلًا، بحساب صادق من طلباتك الحقيقية، وبتطلع أول القسم.
«أضف للسلة» و«اطلب الآن»
تحت كل كارت زرارين. «اطلب الآن» يضيف الصنف ويسأل توصيل ولا استلام على طول.
«ضيف حاجة تانية»
بعد أي إضافة: [ضيف حاجة تانية] [توصيل] [استلام]. و«ضيف حاجة تانية» بتفتح الأقسام.
الأقسام والأنواع بصفحات
كلمة عامة زي «شاورما» تعرض أنواعها، 9 في الصفحة + «عرض المزيد»، والأقسام الفاضية والأصناف اللي خلصت مش بتظهر.
السلة الذكية
«كمان» تزوّد، ورقم جديد يغيّر العدد، و«شيل ده وحط ده»، كل ده من كلام العميل العادي. وأكتر من صنف في رسالة واحدة.
الحساب بالكود
الأسعار والخصومات ورسوم التوصيل بتتحسب بالكود من منيو الفرع، مش بالذكاء الاصطناعي. يعني مفيش سعر غلط.
الإضافات والملاحظات
الصوصات والإضافات الخاصة بكل صنف. وملاحظة زي «من غير بصل» بتتحفظ في الطلب، والملاحظة اللي تيجي بعد الطلب بتتضاف عليه.
حدود الكمية
كمية كبيرة من صنف واحد بيتسأل عنها «متأكد؟»، والطلب الكبير جدًا بيتحوّل لموظف. وإنت اللي بتحدّد الأرقام.
«نكرّر آخر طلب؟»
العميل اللي طلب قبل كده يقدر يكرّر طلبه بزرار، والأصناف اللي مبقتش موجودة بتتقال.
السلة القديمة
لو العميل رجع بعد ساعات، عدنان يسأل «تكمّل ولا تبدأ من جديد؟». وبعد 3 أيام السلة تتمسح ويقوله إيه اللي اتمسح.
زرار «ابعت موقعك»
العميل يبعت موقعه بزرار، وعدنان يعرف المنطقة ورسوم التوصيل والفرع اللي هيخدمه.
مناطق التوصيل
الموقع برّه مناطقك بيتقال للعميل، ويتقترح عليه أقرب فرع مفتوح. و«بتوصلوا لمنطقة كذا؟» بيتجاوب من مناطقك ورسومها.
العناوين المحفوظة
البيت والشغل لحد 6 عناوين. والعميل اللي ليه عنوان يتسأل «نوصّل لنفس العنوان؟».
الاستلام والفروع
الفروع الموقوفة مش بتظهر، والمطعم اللي ليه فرع واحد بيتختار لوحده. و«فروعكم فين؟» بيرد بالعناوين ولينكات الخريطة.
سعر وتوافر لكل فرع
لو سعر الصنف مختلف في الفرع بيتقال، والصنف المش متاح في الفرع بيتشال ويتقال.
العروض والخصومات
نسبة أو مبلغ، في وقت معيّن، أو بحدّ أدنى للطلب، بتتحسب لوحدها. و«فيه عروض؟» بيعرض قسم العروض.
الترشيحات
«ترشّحلي إيه؟» حسب القسم أو عدد الأفراد، والأصناف اللي إنت معلّمها «مميز» بتطلع أول.
الملخّص والتأكيد
ملخّص كامل للطلب بالحساب، وزرار «أكد الطلب»، ورقم الطلب بيوصل للعميل بعد التأكيد.
رسايل حالة الطلب
بدأ التحضير، جاهز، خرج للتوصيل، اتسلّم… بتوصل العميل لوحدها أول ما فريقك يغيّر الحالة.
«طلبي فين؟»
عدنان يقول الحالة زي ما هي. لو خرج مع المندوب يقول الوقت المتوقّع، ولو اتأخّر عن الحدّ بتاعك بيتحوّل لموظف.
الإلغاء
الطلب اللي لسه ماتحضّرش بيتلغي، واللي بيتحضّر أو خرج بيتحوّل لموظف.
التقييم بعد التوصيل
«إيه رأيك في الطلب؟» بـ ممتاز أو كويس أو وحش. و«وحش» بتفتح شكوى لفريقك.
الشكاوى برقم
كل شكوى برقم، وشكوى واحدة مفتوحة لكل عميل. ولما تتحل، العميل يوصله «تم حل شكوتك».
التحويل لموظف
وقت ما العميل يطلب موظف، أو على طول في الحالات الحساسة زي خطر صحي أو خلاف على الدفع.
«هسأل زميلي»
السؤال اللي ملوش إجابة عند عدنان بيتسجّل عندك، تجاوبه مرة واحدة وعدنان يقوله بعد كده.
لهجة مطعمك
مصري أو خليجي أو شامي أو إنجليزي. والزراير والحساب والإشعارات بنفس اللهجة.
الإنجليزي والفرانكو
اللي يكتب إنجليزي يتردّ عليه إنجليزي، واللي يكتب فرانكو يتردّ عليه بحروف عربي.
المواعيد والقفل
لو المطعم مقفول، عدنان يقول إمتى بتفتحوا، ويجاوب على أسئلة المنيو، والسلة بتفضل محفوظة.
الرد على الكومنتات
عميل كتب كومنت على بوست صنف في فيسبوك أو إنستجرام؟ عدنان يفهم البوست اللي عليه الكومنت، ويرد بسعر الصنف اللي فيه، ويعزم العميل يطلب. وتيك توك قريبًا.
«بيكتب…» والعلامتين الزرق
أول ما رسالة العميل توصل، بيشوف العلامتين الزرق و«بيكتب…»، فيعرف إن فيه حد بيرد.
الإيموجي
«👍» على ملخّص الطلب بيأكّده، وإيموجي زي «تمام» مش محتاج رد.
مبيكدبش
مفيش صنف ولا سعر ولا لينك برّه بياناتك. ومايقولش «ضفتلك» أو «لغيتلك» إلا لو ده حصل فعلًا.
الحساسية
مايقولش أبدًا «مفيهوش كذا». بيقول المكوّنات المكتوبة، وينصح العميل يبلّغ الفرع.
الأدب
بيتكلّم بـ«حضرتك»، من غير أسماء ولا هزار.
مايسكتش أبدًا
لو حصلت أي مشكلة، فيه دايمًا رد بديل يوصل للعميل. عدنان مايسيبش العميل من غير رد.
الشات الحي
كل المحادثات في صندوق واحد. أي موظف يستلم محادثة، وعدنان يسكت لحد ما يرجّعها، ولو محدّش ردّ بترجع لوحدها.
تعديل سلة العميل
الموظف يعدّل سلة العميل من الشات نفسه: يضيف ويشيل ويغيّر الكمية.
الطلبات
الطلبات الحالية والسابقة، بفلاتر للفرع والحالة والتاريخ، وأزرار الحالة، والإلغاء لحد التوصيل.
تعديل طلب متأكد
الفريق يعدّل أصناف طلب اتأكد، والعميل يوصله الطلب الجديد بالحساب.
المندوبين
الطلب يتبعت للمندوب على واتساب بكل التفاصيل، وتقارير التوصيل لكل مندوب.
طباعة الإيصال
إيصال للطابعة الحرارية أو مقاس (A4).
إيقاف فرع مؤقّتًا
في الزحمة: 15 أو 30 أو 60 دقيقة، أو لحد ما تفتحه. وعدنان يقترح على العملاء الفروع المفتوحة.
العملاء
كارت لكل عميل بطلباته، وتعديل بياناته وعناوينه، وملاحظات داخلية للفريق، وحظر رقم مزعج.
المنيو
أقسام وأصناف بالعربي والإنجليزي، وإضافات، وسعر لكل فرع، وقفل صنف خلص، وبحث، وترتيب بالسحب.
صور الأصناف
شاشة توضّح الأصناف اللي ناقصها صورة. ترفع صورة أو كذا صورة مرة واحدة، وأي صورة من الموبايل بتتصغّر لوحدها.
موافقة على الأوصاف
عدنان مايقولش وصف صنف للعميل إلا لما إنت توافق عليه.
التحليلات
المبيعات، وأكتر الأصناف، وساعات الزحمة، والعملاء الجداد واللي رجعوا، وأداء عدنان، ورضا العملاء، مع تصدير.
الإشعارات
رنّة لكل طلب جديد، حتى واللوحة مقفولة، وتذكير بالطلب اللي مستني. وكل موظف يختار اللي يوصله.
تنبيهات تيليجرام
الطلبات الجديدة، والتحويلات، والرسايل اللي محدّش ردّ عليها، وملخّص يومي.
على الموبايل كتطبيق
اللوحة بتشتغل على الموبايل وتتثبّت كتطبيق.
الصلاحيات
المالك، والمدير، وخدمة العملاء، والديسباتشر. كل واحد يشوف ويعمل اللي يخصّه بس.
الردود الثابتة
تعدّل أي رد ثابت، وتكتبه بأكتر من صياغة عشان مايتكرّرش.
شخصية عدنان عندك
برومت مطعمك بنسخ، وزرار «جرّب رسالة» تشوف بيه عدنان هيرد إزاي قبل ما تنشر.
بيانات المطعم
طرق الدفع، والخدمة والضريبة، والحجز، والوظايف، ووقت التوصيل… وعدنان بيرد منها بالظبط.
المكالمات
عدنان يرد على تليفون المطعم بالصوت وياخد الطلب، مع تسجيل المكالمات والاستماع المباشر.
ماسنجر وإنستجرام
عدنان بيرد على عملائك على ماسنجر وإنستجرام كمان، وكل الرسايل في نفس اللوحة. وتيك توك قريبًا.
عدنان
